Google Calendar-integrasjon

Google Calendar-integrasjon

Slik fungerer Google Calendar-integrasjonen i bookingsystema kveo byggjer, og kva Google-data han brukar.

Kva integrasjonen gjer

Nokre av bookingsystema kveo byggjer for verksemder, for tida bookingsystemet til Bowlit (bowlit.no), kan leggje kvar booking inn i Google-kalenderen til verksemda. Når ei booking blir gjord på nettstaden, opprettar systemet ei hending i kalenderen administratoren har valt. Blir bookinga endra, blir hendinga oppdatert, og blir ho avlyst eller sletta, blir hendinga fjerna. Dei tilsette ser dermed alle bookingane i kalenderen dei alt brukar.

Kven loggar inn med Google

Koplinga blir sett opp éin gong av administratoren i verksemda, som loggar inn med ein Google-konto, godkjenner løyva og vel kalenderen. Kundar som bookar på nettstaden loggar ikkje inn med Google og gir ingen Google-løyve.

Kva løyve og data som blir brukte

Applikasjonen ber om fire løyve: openid og userinfo.email (kva Google-konto som er kopla til), calendar.calendarlist.readonly (velje kalender) og calendar.events (opprette, oppdatere og slette bookinghendingane i kalenderen som er valt).

  • Hendingane inneheld bookingopplysningar som bookingkode, aktivitet, tidspunkt, tal på personar og kontaktinformasjonen kunden har oppgitt.
  • Refresh-tokenet blir lagra kryptert på serveren og blir aldri sendt til nettlesaren.
  • Google-brukardata blir ikkje selde, ikkje brukte til reklame og ikkje brukte til å trene AI-modellar.

Kople frå

Administratoren kan kople frå i bookingsystemet når som helst. Då blir tokenet trekt tilbake hos Google og sletta. Tilgangen kan òg fjernast i Google-kontoen. Hendingar som alt ligg i kalenderen, blir ikkje sletta ved fråkopling.